«Майданнан хат» VII Халықаралық конкурсында Алмалы ауданының оқушылары жеңімпаз атанды

«Майданнан хат» VII Халықаралық байқауының қорытындысы бойынша  И.В.Панфилов атындағы № 54 Қазақ-Ресей  гимназиясының  оқушылары жеңімпаз атанып, жазғы демалыста «Сәлем,  Ресей!» бағдарламасы бойынша Мәскеу қаласына барады.





Конкурс комиссияның  талдауына 159 жұмыс ұсынылған, соның ішінде №54 Қазақ-Ресей гимназия оқушылары Сталинград шайқасына қатысқан жауынгерлер атынан  өздерінің шығармаларын жазған болатын. 



Әділқазы құрамында Абай атындағы ҚазҰПУ-нің ұстаздары болды. Жеңімпаздарды марапаттау рәсіміне әділқазы мүшелері, гимназия басшысы, Ресей Федерациясы консулдығының Алматыдағы консулы Ирина Переверзева қатысты.